سالفة شايب عرف من وين جبنا الهمبرغر

السلام عليكم ورحمة الله وبركاته
مساكم الله بالخير والسرور
بنقل لكم هذي القصة على لسان شااااب:
في يوم من الايام كنا جالسين بالعمل نسولف
تكلم رجال وقال:سمعو ياجماعه بقول لكم سالفة الشايب الي عرف قصة الهمبرغر
في شايب جالس في مجلس مع شياب مثله قال لهم : ياجماعه انتو تعرفون اكلة الهمبرغر من وين جات
قالو له : لا
قال : انا اقولكم
سمعو الصواريخ الارض ارض جو
في ملك انجليزي وذا الكلام من مبطي كان عنده طباخ اسمه برغر
في يوم الملك حب اكل اكله ماتخطر على البال
قال للخادم ناد لبرغر
الخادم راح لبرغر وقاله الملك يبيك يللا لاتتأخر
جاك برغر للمكلك وقال امرك
قال الملك : اسمع يابرغر ابي منك اليوم تطبخ لي طبخه ماصارت ولاستوت
قال برغر : اطبخ لك الي تامر عليه
راح برغر المطبخ وجلس يقلب براسه وش اطبخ فكر وفكر وفكر
يووووووووووووووووووووووووم جاته الفكره
وياخذ قطعة اللحمه ويقطعها بشكل دائري
ويبهرها ويظبطها وقلبها على الجمر
ويحطهابذيك الخبزة الي قطعها بشكل دائري ويحط معها الخس والطماط ويقدمها الملك
الاكله اعجبت الملك قاله : اطبخ ثانيه
ويطبخ واعجبته
صنفت عند الملك انه يعزم ربعه على طبخة برغر
عزمهم وقال لبرغر ابيك تسوي لنا هذي الطبخه
وابتلش برغر مافي الا رايح وجاي مع ضيوف الملك وانهلك برغر
حس فيه الملك وقال والله الطبخه هذي صارت
سمعو وش قال الملك
الطبخه هذي صارت هــــــــــــــــــــم بــــــــــرغـــــــــر
يعني هم على برغر
ومن يومها سموها بهذاالاسم
قلنا للرجال هذا الكلام مايدخل بالراس قال : ادري بس ياويلك ان قلت له هذا الكلام مو صحيح زين مايكسر راسك
اسمع واضحك واسكت
والله سوالف شياب تودي بستين داهيه مافي الا تأليفات من روسهم وياويل من ناقشهم بسواليفهم

ههههههههههههه

مشكور ويعطيك العافية

مشكور اخوي حموووووود على المرووووووووور