قصه تموت من الضحك, خخخخخخخخخ...

هذي قصة راعي الديك المنسم ))
فيه ولد طفران ماعنده ولا ريال راح لابوه :-
الولد/عطني 15 ريال ودي اشتري كوره0
الاب /أقول إنقلع عني تراها واصله معي 0
الولد /تكفا يبه بس 15 ريال والا اقولك خلها 10 ريال0
الاب /ماعندي فلوس إذا تبي فلوس رح بيع الديك حقك المريض
اللي بالحوش .
الولد /بس هذا مريض ومحد بيشتريه0
الاب /ماعلي منك دبر نفسك 0
--------
والله الولد استسلم للأمر الواقع واخذ الديك أول واحد قابله في وجهه اكيد أبوه....
الولد/تشتري الديك؟
الاب /اقول بتنقلع عني ولا أقوم اتوطا في بطنك0
الولد /خلاص خلاص لاتنفخ0
--------
طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك قال الولد والله مالي إلا فلانه,,عقلها خفيف وأكيد بقدر ألعب عليها بسهوله فلانه هذي كانت وحده متزوجه بس للاسف كانت تلعب بذيلها من وراء زوجها راح لها الولد عشان يبيع عليها الديك0
--------
الولد /تشترين الديك تكفين؟
فلانه/هلا والله بحبيبي تعال قرب مني عشان ابوسك بوسه خفيفه0
الولد /اقول مانيب فاضي لك خذي مني الديك وخليني اروح 0
فلانه/ تروح مين ياعمـــــري انا ماصدقت إني شفت رجال عندي
في البيت0
الولد /ومنهو اللي قالك إن انا رجال؟ خذي مني الديك وخلينا أنقلع0
--------
شوي الا الباب يدق خافت فلانه وقالت للولد تعال إندعس هنا في
الدولاب لايطلع زوجي ثم نروح فيها حطت الولد في الدولاب وراحت فتحت الباب إلا وطلع صديقها اللي تخون زوجها معاه0
--------
فلانه/هلا والله بعمري وحياتي 0
الرجال/ياهلا فيك عمري مامدىالرجال يكمل كلمته إلا والباب يطق0
فلانه/ ياويلي ويلاه,,هذا شكله زوجي,,,تعال وادخل في الدولاب0
--------
دخل خوينا في الدولاب وفجاه في عز الظلام سمع صوت يكلمه داخل الدولاب ويقوله
الولد/ تشتري الديك؟
الرجال/ اصصص وط صوتك الله يرحم والديك لاتفضحنا 0
الولد/أقول تشتري الديك؟
الرجال/ياخوي خلاص بشتري الديك بس قصر على حسك تكفا,,,
الولد/ طيب
الرجال/بس بكم تبيعه؟
الولد /بــ100 ريال 0
الرجال/ ايش هالديك المنتوف المريض 100ريال0
الولــد /تبي تشتري ولا ارفع صوتي؟
الرجال/ لا لا خلاص,,ابشتري وأمري لله جلسوا (5) دقائق0
الولــــد/تبيع الديك؟
الرجال/توك بايعه على يابن الحلال0
الولد /تبيعه علي ولا ارفع صوتي؟
الرجال/ لا لا خلاص,,اببيعه وأمري لله,,بكم تشتريه؟
الولد / بريال 0
الرجال/ إيش بريال انا مشتريه منك بـ 100 وإنت تشتريه مني
بريال0
الولد /تبيعه علي ولا ارفع صوتي؟
الرجال/لا لا خلاص,,اببيعه وأمري لله جلسو (5) دقائق 0
الولــــد/ تشتري الديك؟
الرجال/ ياخوي توني مشتريه منك وبايعه عليك بعد0
الولـــد /تبي تشتري ولا ارفع صوتي؟
الرجال/ لا لا خلاص,,ابشتري وأمري لله,,,بكم تبيعه؟
الولـــد /بــ200 ريال 0
الرجال/ الله يمحيك انشالله توني مشتريه منك ب 100 ريال
وبايعه لك بريال 0
الولــــد/تبي تشتري وألا ارفع صوتي؟
الرجال/ لا لا خلاص,,ابشتري وأمري لله جلسوا (5) دقائق 0
الولــــد/تبيع الديك؟
الرجال/انا لله وإإنا إليه راجعون,,,,,بكم تبي تشتريه؟
الولـــد /بريال 0
الرجال/ وش تبيني أقول!! تبيني أبكي ولا أشقق هدومي يالله خذ
الديك وببلاش0
--------
بعد اخذ الولد الديك بشوي ألا فلانه فاتحه عليهم الدولاب :-
فلانه/ يالله بسرعه انحاشو دام إن زوجي في الحمام,,بس واحد
وراء الثاني وبشويش عشان لايحس فيكم زوجي0
--------
طلع الرجال وانحاش ولحقه الولد بعده بـ (5) دقايق المهم قام الولد يتمشى في الشارع وهو مبسوط لإنه صار معاه فلوس .. بعدين راح
للبيت يوم دخل البيت شاف ابوه قدامه .. راح قال لابوه :-

الولد/تشتري الديك؟

الأب/ ناظر فيه والشرار طالع من عيونه وقاله: مايكفيك يابن (??)
الــ 300 ريال اللي لطشتها مني في الدولاب؟؟؟

» دفاااااتر تموت ضحك ليش أدخلوا وشوفوا
» ما رأيك ان تموت شهيد بنص دقيقة بآذن الله ,,,