صــــــــــــــــــدقينــــــــــــــي
صدقـيـنـي ما بقى للحب قيمــــــه
الجفا شل الوفا و أصبح مكانه
والصراحه اصبحت كلمه قديمه
والهوى أصبح خيانة في خيانة
والمحـبـة كنهــا طفله يـتـيـمـــــــه
مات ابوها ونحرم عنها حنانـه
والمشاعر مثل ما كــف كريمـــــه
في يدين بخيل ذوقها المهانـــه
والأحاسيس اختفت وامست عديمه
وفالمحبة كل شئ ولى زمانــه
صدقـيـنـي قصتي قصة ألـــيـمـــه
البري مظلوم والقاضي أدانــه
الهوى يا بـنـت ما ذقـــنـا نعيمــــه
ولا خذينا ع الهوى عهد وضمانه
يوم صار الخل يظلم في نديمـــــه
كيف تبغين الهوى يعتـز شانـــه
بس نفس الحر ما ترضى الهزيمه
والذكي لا بد ينجح فامتحانـــــه
راح وقت فيه نفسي مـسـتـهيـمــه
والهوى ماعاد يغريني كيانـه
صدق كانت فالهوى روحي غريمه
وكان عندي الحب إخلاص وأمانه
بس بان النور لي وانزاح غـيمــه
وفي عيوني كل شئ بين بيانــه
و فالنهاية أعذريني يا فهيمــــــه
الهوى كله خيانة في خيانــــــه
مع تحيات:: azooz
الرئيسية 
الإثنين سبتمبر 03, 2007 1:14 pm
